Qashqadaryo viloyati Koson tumanida 30-mart kuni ikki oila aʼzolari o‘rtasida mushtlashuv sodir bo‘ldi. Viloyat Ichki ishlar boshqarmasi holat yuzasidan maʼlumot berdi.
Unga ko‘ra, 30-mart kuni Koson tumani “Neko‘z” MFYda yashovchi fuqaro A.Z. yashash uyi hovlisida o‘g‘li A.Sh. va T.A.lar turli darajada tan jarohati olib, Respublika shoshilinch tez yordam ilmiy amaliy markazi Qashqadaryo filialiga yotqizilgan.
Aniqlanishicha, 30-mart kuni soat taxminan 16:10 larda Z.A. oila aʼzolari bilan A.Z.ning uyiga kelib, oilaviy nizo sabab, turli uyatli so‘zlar bilan haqorat qilib, qo‘lida bo‘lgan turli jismlar bilan urib do‘pposlab, hodisa joyidan yashiringan.
Holat yuzasidan Koson tuman IIB huzuridagi Tergov bo‘limi tomonidan Jinoyat kodeksining 105-moddasi 1-qismi bilan jinoyat ishi qo‘zg‘atilib dastlabki tergov harakatlari olib borilmoqda.
Izoh (0)