Dunyoda oltin narxi ko‘tarila boshladi

Ikki sessiyalik pasayishdan so‘ng, dunyoda yana oltin narxi osha boshladi. Bu haqda “Interfaks” xabar berdi.

Comex Nyu-York fond birjasida oltin uchun aprel oyidagi shartnoma kotirovkalari 0,43 foizga oshib, bir unsiya uchun 1 962,2 dollarni tashkil etdi.

Kotirovka — birjada amaldagi vaziyat va qonunchilik normalari, qoidalariga muvofiq chet el valyutalari, qimmatli qog‘ozlar kursini, tovarlar narxini belgilash va ularni qayd etish.

May oyida yetkazib beriladigan kumush 0,1 foizga oshib, bir unsiya uchun 23,15 dollarni tashkil qildi.

AQSH va Yevropada bank inqirozi haqidagi qo‘rquvning zaiflashishi himoya aktivlariga bo‘lgan talabni biroz pasaytirdi va qimmatbaho metallar uchun kotirovkalarning pasayishiga olib keldi.

Investorlarning oltinga bo‘lgan talabi texnik va fundamental omillarning kombinatsiyasi tufayli zaiflashdi, — dedi FXTMdan Lukman Otunuga.

Narxlar o‘tgan haftada uch marta 2 000 dollarga yetdi. Bundan tashqari, bank sanoatidagi inqirozlar qimmatbaho metallning xavfsiz aktiv sifatida jozibadorligini pasaytirdi.

Avvalroq 2022-yilda oltindan olingan daromad oshgani haqida xabar berilgandi.