SVB’ni sotib olgandan so‘ng First Citizens Bank aksiyalari 45 foizga oshdi

Kecha, 27-mart kuni First Citizens Bank Silicon Valley Bank’ning barcha aktivlari va depozitlarini sotib olishi ma’lum bo‘lgandi. 

Shundan keyin First Citizens Bank aksiyalari 45 foizga qimmatlashdi. Keyinchalik aksiyalar tusha boshladi ammo hamon o‘tgan jumaga nisbatan 22 foizga yuqori bo‘lmoqda.

First Citizens Bank SVB aktivlarini 72 milliard dollarga 16,5 milliard dollar chegirma bilan sotib olgandi.

Moliya bozori bu yangilikka ijobiy munosabatda bo‘ldi va bank sanoatining barqarorlashuv belgisi sifatida ko‘rdi.

Hattоki, chuqur inqirozda bo‘lgan Deutsche Bank aksiyalari ham deyarli 6 foizga oshgan. 

Shunday bo‘lsa-da, mutaxassislarga ko‘ra, aksariyat investorlar hamon bank sektoridan uzoqlashishga harakat qilmoqda.