25-mart kuni Belarusda davlatga xiyonat qilgan mansabdor shaxslar va harbiy xizmatchilarga nisbatan o‘lim jazosini qo‘llashni nazarda tutuvchi qonun kuchga kirdi, deb yozmoqda DW nashri.
Xuddi shu qonun terrorizmni targ‘ib qilish va armiyani obro‘sizlantirish uchun ham jinoiy javobgarlikka tortadi.
“Jinoiy javobgarlik to‘g‘risidagi kodekslarga o‘zgartirishlar kiritish to‘g‘risida”gi qonun loyihasi Vazirlar Kengashi tomonidan 2022-yil oktabr oyi oxirida Belarus Milliy Assambleyasi vakillar palatasiga kiritilgan. 2023-yil fevral oyining oxirida u parlamentda ikki o‘qishdan o‘tdi, so‘ng Respublika kengashi tomonidan ma’qullandi.
Belarus prezidenti Aleksandr Lukashenko hujjatni 9-mart kuni imzoladi, 14-mart kuni esa qonun Belarus milliy yuridik internet portalida eʼlon qilindi. Hujjatda u rasmiy e’lon qilinganidan o‘n kun o‘tib kuchga kirishi aytilgan.
Qonunga ko‘ra, mansabdor shaxs tomonidan sodir etilgan “davlatga xiyonat uchun” jinoiy javobgarlik davlat lavozimini egallab turgan barcha shaxslarga nisbatan qo‘llaniladi. Bunday holda, hujjat umrbod ozodlikdan mahrum qilish yoki o‘lim jazosini qo‘llash imkoniyatini nazarda tutadi.
Izoh (0)