Toshkentda fuqaroga xonadonning yarim mlrd so‘m miqdoridagi ulushi undirib berildi

Toshkent shahri Mirzo Ulug‘bek tumanida fuqaroga xonadonning yarim milliard so‘m miqdoridagi ulushi undirib berildi. Bu haqda MIB axborot xizmati “Daryo”ga xabar berdi.

Majburiy ijro byurosining Mirzo Ulug‘bek tuman bo‘limi ish yurituvida Fuqarolik ishlari bo‘yicha I.Shafigulindan undiruvchi I.Dusayev  foydasiga xonadonning 4 dan 1 ulush qismi 513 million 13 ming so‘m miqdorida undirish to‘g‘risidagi ijro hujjati yuzasidan 16-mart kuni “Sud hujjatlari va boshqa organlar hujjatlarini ijro etish to‘g‘risida”gi qonunning 23-moddasi talablariga asosan ijro ishi yurituvi qo‘zg‘atilgan. 

Mazkur ijro ishi yuzasidan shu kunning o‘zida byuroning tuman bo‘limi tomonidan 513 million 13 ming so‘m miqdoridagi ulushi undiruvchi I.Dusayevga to‘liq undirilib, ijro ishi “Sud hujjatlari va boshqa organlar hujjatlarini ijro etish to‘g‘risida”gi qonunning 41-moddasi 1-bandiga asosan amalda tamomlangan.