Oliy Majlis Qonunchilik palatasi 10-mart kuni bo‘lib o‘tgan majlisda yangi tahrirdagi “Konstitutsiya to‘g‘risida”gi qonun loyihasi bo‘yicha referendum o‘tkazish to‘g‘risida qaror qabul qildi.
Referendumni 2023-yilning 30-aprel, yakshanba kuni o‘tkazilish belgilandi. Qaror Senatga yuboriladi, u hujjatni 14-mart kuni ko‘rib chiqishi kutilmoqda.
Bugun, 10-mart kuni Oliy Majlis Qonunchilik palatasining “O‘zbekiston Respublikasi Konstitutsiyasi to‘g‘risida”gi Konstitutsiyaviy qonun loyihasi muhokama qilindi. Muhokamalar davomida qator takliflar ko‘rib chiqildi. Xususan, Konstitutsiya loyihasining 18-moddasi 1-qismi bo‘yicha deputat Nodira Jonibekovaning taklifi muhokama qilinib, ushbu qism yangi tahrirda eʼlon qilindi: “O‘zbekiston Respublikasi davlatlar va xalqaro tashkilotlar bilan ikki va ko‘p tomonlama munosabatlarni har tomonlama rivojlantirishga qaratilgan tinchliksevar tashqi siyosatni amalga oshiradi”.
Shuningdek, deputat Sherzod To‘xtashevning Konstitutsiyaning 27-moddasiga o‘zgartirish kiritish bo‘yicha taklifi qabul qilindi.
Konstitutsiya loyihasining 26-moddasi 3-qismiga quyidagi jumla qo‘shildi: “Hech narsa inson sha’ni va qadr-qimmatini kamsitish uchun asos bo‘lishi mumkin emas”.
Izoh (0)