Toshkent shahrida 5-mart kuni “Xavfsiz hayot uchun” aksiya doirasida velosipedchi va piyodalar yurish marafonlari o‘tkaziladi. Bu haqda poytaxt IIBB YHXB axborot xizmati xabar berdi.
Qayd etilishicha, shu munosabat bilan 5-mart kuni soat 06:00 dan 11:00 gacha quyidagi ko‘chalar avtotransport harakati uchun yopiladi:
- Islom Karimov va Furqat ko‘chalari chorrahasidan Sharof Rashidov ko‘chasigacha;
- Islom Karimov chorrahasidan Sharof Rashidov ko‘chasi bo‘ylab Sharof Rashidov va Afrosiyob ko‘chalari chorrahasigacha;
- Sharof Rashidov va Afrosiyob ko‘chalari chorrahasidan Afrosiyob ko‘chasi bo‘ylab Afrosiyob va Beshyog‘och ko‘chalari chorrahasigacha;
- Afrosiyob va Beshyog‘och ko‘chalari chorrahasidan Furqat va Beshyog‘och ko‘chalari chorrahasigacha;
- Beshyog‘och va Furqat ko‘chalari kesishgan chorraxasidan Furqat ko‘chasi bo‘ylab, Islom Karimov va Furqat ko‘chalari kesishgan chorrahasigacha.
Shuningdek, 4-mart kuni soat 18:00 dan 5-mart soat 13:00 gacha Afrosiyob ko‘chasi: Islom Karimov va Afrosiyob ko‘chalari chorrahasidan Beshyog‘och ko‘chasigacha harakat cheklanadi.
Eslatib o‘tamiz, 19-fevral kuni “Men g‘olib” ommaviy yugurish musobaqasi o‘tkazilishi munosabati bilan Toshkentning qator ko‘chalarida avtomobillar harakatlanishiga vaqtinchalik cheklov qo‘yilgandi.
Izoh (0)