Sirdaryo viloyati Guliston tumanida hokimlik zaxirasidagi yerni 200 mn so‘mga sotmoqchi bo‘lgan erkak ushlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Xabarga ko‘ra, holat Bosh prokuratura huzuridagi Departament, DXX va IIVning Sirdaryo viloyati boshqarmalari tomonidan o‘tkazilgan tezkor tadbirda aniqlangan. Fuqaro S.X. Guliston tumani, “Chortoq” MFY hududida joylashgan tuman hokimligi zaxirasidagi 50 sotix yer maydonini fuqaro A.N.ga firibgarlik yo‘li bilan 200 million so‘mga sotishga kelishgan. Ushbu yer maydoni hujjatlarini tanishlari orqali rasmiylashtirib berishni va’da qilib, oldindan 10 000 dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)