Hozirgi kunda Tayger Shroff Bollivuddagi eng mashhur, muvaffaqiyatga erishgan yosh iste’dodli aktyorlardan biri hisoblanadi. Aktyor bu natijaga erishguniga qadar otasining obro‘sidan foydalanmadi, aksincha o‘zi tomoshabinlarning e’tirofiga sazovor bo‘lish uchun harakat qildi.
Tayger Shroff 1990-yilning 2-mart sanasida taniqli hind aktyori Jeki Shroff va uning rafiqasi, model Aisha Shroff oilasida tug‘ilgan. Juftlik farzandiga Jay Hemant Shroff deb ism qo‘ydi, biroq ko‘plab muxlislari uni Tayger laqabi bilan biladi.
Aktyor intervyularining birida o‘zini Jay emas, Tayger (Tiger — inglizchadan tarjima qilinganda “yo‘lbars” degan ma’noni anglatadi) deb bilishini, chunki unga bolaligidan atrofdagilarni tishlashga moyil bo‘lganligi uchun unga shunday “shafqatsiz” laqab qo‘yilganini aytgan. Taygerning qurbonlaridan biri boshlang‘ich maktabda o‘qiyotgan vaqtda u tishlagan va deyarli haydalishiga sabab bo‘lgan maktab o‘qituvchisi edi.
Otasining shon-shuhrati yuki u uchun Jeki Shroffning bir qator noto‘g‘ri moliyaviy qarorlari kabi og‘ir edi. Aktyorning onasi suratga olgan film 2002-yilda ekranlarda namoyish etilishidan oldin ijtimoiy tarmoqlarda tarqalib ketdi va muvaffaqiyatsiz loyihalardan biriga aylandi. O‘sha paytda Tayger 11 yoshda edi va u nima bo‘layotganini juda yaxshi tushungandi.
“Uydagi mebellarimiz birin-ketin sotilib ketganini eslayman. Yoshligimda atrofimda ko‘rgan narsalarim yo‘qola boshladi. Keyin ular krovatimni sotishdi va men polda uxlay boshladim. Bu hayotimdagi eng yomon tuyg‘u edi”, — deb eslaydi aktyor.
O‘sha yillardagi noaniqlik yosh yigit uchun kuchli turtki bo‘ldi. Bo‘lajak aktyor to‘rt yoshidan jang san’ati, sport, futbol va gimnastika bilan shug‘ullandi. Tayger Bryus Li va Maykl Jeksondan ilhomlandi. Uning qalbining tub-tubida aktyor bo‘lish fikri uyg‘ondi. Aktyorning barcha qarindosh-urug‘lari, do‘stlari uning ota-onasiga: “O‘g‘lingiz ulg‘aysa, yulduz bo‘ladi”, — deb aytgan.
Biroq shunga qaramay, Tayger karyerasidagi boshqa variantlarni ham ko‘rib chiqdi. U ma’lum muddat futbol bilan shug‘ullandi. Vaqt o‘tishi bilan Tayger Hindistonda bu yo‘nalish rivojlanmaganini tushundi va maktabni tugatgandan so‘ng, u filmdagi debyut roliga tayyorgarlik ko‘rish bilan band bo‘ldi.
Deyarli uch yil davomida u o‘z ustida ishladi, jang san’ati bilan shug‘ullandi, aktyorlik mahoratini oshirdi va raqsga tushishni o‘rgandi.
Shuni ta’kidlash kerakki, Shroff boshqa narsalar qatorida, yana bir ajoyib iste’dodga ega — u ajoyib rassom va rasmlarni mahorat bilan chizadi. Tayger vegetarian, ammo tuxum iste’mol qiladi. U sog‘lom turmush tarzini olib boradi, ichmaydi, chekmaydi, parhezga rioya qiladi va gimnastika bilan shugullanadi, shu bilan birga aktyor taekvondo bo‘yicha 5-darajali qora kamar sohibi ham hisoblanadi.
Tayger Shroff o‘zining debyutini 2014-yilda “Sevish huquqi” filmida o‘tkazdi, kinokartina nafaqat kassada yaxshi natijalarga erishdi, balki unga “Yilning eng yaxshi debyuti” nominatsiyasida eng nufuzli mukofotlarni qo‘lga kiritishiga sabab bo‘ldi. Ko‘plab muxlislar Tayger taniqli otasiga taqlid qilishga harakat qiladi, deb fikr yuritadi, ammo aktyor hind kino olamida o‘z o‘rnini egallashga muvaffaq bo‘ldi.
“Men Jeki Shroffning o‘g‘li ekanimdan mamnunman. Ammo bu menga katta bosim o‘tkazadi. Insonlar meni Jeki Shroffning o‘g‘li deb atashlarini xohlamayman. Buning o‘rniga uni Taygerning otasi sifatida bilishlarini istayman. Ha, menda katta ego bor”, — deydi aktyor.
Tez orada yosh aktyor ekshen-filmlarning asosiy yulduziga aylanadi. Kino sanoatda juda kam aktyorlar Taygerning tryuklarini bajara oladi.
“Tomoshabinlarim tajribalarimni yaxshi qabul qilishmaydi. Ular meni faqat “Sevgi huquqi”, “Isyonchi”, “Jang” franshizalari qahramoni sifatida qabul qiladi. “Yil talabasi 2” melodramasi chiqqanida kollej talabalari meni haqorat qildi. Muxlislarim bu rolni qadrlamadi. Demak, men franshizalar qahramoniman”, — deydi aktyor.
Mish-mishlarga ko‘ra, Tayger Shroff ma’lum bir muddat supermodel Anjela Jonson bilan uchrashgan. Keyinchalik u aktrisa Disha Patani bilan munosabatda bo‘lgan. Biroq juftlik har doim juda yaxshi do‘stlar ekanini aytadi.
Taygerning o‘tgan yili chiqqan so‘nggi filmi “Sevish huquqi 2” salbiy izohlarga sabab bo‘ldi va kassada muvaffaqiyatsizlikka uchradi, biroq aktyor hozir birdaniga uchta film ustida ishlamoqda va katta ekranga xit darajasiga chiquvchi filmlar bilan qaytishga umid qilmoqda.
Izoh (0)