Toshkent shahar Shayxontohur tumanida ichki ishlar organlari xodimlariga qarshilik koʻrsatgan 19 yoshli yigit olib ketildi. Bu haqda shahar Ichki ishlar bosh boshqarmasi axborot xizmati xabar berdi.
Ijtimoiy tarmoqlarda IIO xodimlari tomonidan fuqaro olib ketilayotganligi aks etgan video tarqalib, turli muhokamalarga sabab boʻlmoqda. Boshqarma axborot xizmatining maʼlum qilishicha, 5-fevral kuni 2004-yilda tugʻilgan J.M. Shayxontohur tumanidagi “Malika” savdo majmuasi oldida IIO xodimlarining qonuniy talablarini bajarmasdan, ularga qarshilik koʻrsatgan.
Qayd etilishicha, mazkur holat yuzasidan J.M.ga nisbatan Maʼmuriy javobgarlik toʻgʻrisidagi kodeksning 194-moddasi (ichki ishlar organlari xodimining qonuniy talablarini bajarmaslik) alomatlari bilan maʼmuriy bayonnoma rasmiylashtirgan. Jinoyat ishlari boʻyicha Shayxontohur tumani sudi tomonidan J.M.ga nisbatan 15 sutka maʼmuriy qamoq jazosi tayinlangan.
Izoh (0)