Klublar o‘rtasidagi JCh. “Al-Hilol” 5 ta gol urilgan o‘yinda “Flamengo”ni mag‘lub etib, final yo‘llanmasiga ega chiqdi

Futbol bo‘yicha Klublar o‘rtasidagi Jahon chempionati yarim finalida “Al-Hilol” 7-fevral, seshanba kuni “Flamengo” bilan bahs olib bordi.

Uchrashuvning 4-daqiqasida Salim ad-Dosari hisobni ochdi. 20-daqiqada Pedro muvozanatni tikladi. Birinchi bo‘lim so‘ngida Braziliya klubi futbolchisi Jerson qizil kartochka olib, maydonni tark etdi. Dosari esa penaltini aniq amalga oshirib, jamoasini hisobda oldinga olib chiqdi. 

Ikkinchi bo‘limda ham “Al-Hilol” faol harakat qildi. 70-daqiqada Lusiano Vietto hisobni ishonchli ko‘rinishga olib keldi. O‘yin oxirida esa Pedro dublni rasmiylashtirdi, biroq bu gol braziliyaliklar uchun yetarli bo‘lmadi.

Shu tariqa “Al-Hilol” final yo‘llanmasiga ega chiqdi. Ikkinchi yarim finalda “Real” 8-fevral kuni “Al-Ahli”ga qarshi bahs olib boradi. 

Klublar o‘rtasidagi JCh—2023

Yarim final bahsi

7-fevral, seshanba

“Flamengo” (Braziliya) — “Al-Hilol” (Saudiya Arabistoni) 2:3

Gollar: 0:1 – 4 Al-Dosari (penalti), 1:1 – 20 Pedro, 1:2 – 45 Al-Dosari (penalti), 1:3 – 70 Vietto, 2:3 – 90 Pedro.

“Flamengo”: Santos, Mateuzino, David Luiz, Leo Pereyra (Fabrisio Bruno, 46), Ayrton, Everton Ribeyro (Everton, 68), de Arraskaeta (Pulgar, 46), Tiago Mayya (Vidal, 81), Jerson, Gabriel Barboza, Pedro.

“Al-Hilol”: Al-Mayuf, Abdelhamid, Chjan Xen Su, Al-Bulayhi, Al-Dosari (Al-Dosari, 66), Karrilyo, Kuelyar, Al-Dosari, Igalo (Maykl Richard, 58), Vietto (Jahfali, 88), Marega.

Ogohlantirishlar: Jerson (15), Gabriel Barboza (17), David Luiz (42), Vietto (42), Pulgar (56), Al-Dosari (62), Tiago Mayya (72), Jahfali (89), Pedro (90).

Chetlatish: Jerson (45).