“Gudison Park”da yana mag‘lubiyatga uchragan “Arsenal” APLda antirekord qayd etdi

“Arsenal” Premyer Liga 22-turi doirasida kechgan “Everton”ga qarshi kechgan bahsda mag‘lubiyatga uchradi (0:1).

Londonliklar ligada sentabr oyidan keyin ilk bor yengildi. Bundan avvalgi mag‘lubiyat 4-sentabr kuni “Manchester Yunayted”ga qarshi o‘yinda (1:3) qayd etilgandi.

Bu orqalikda Mikel Arteta jamoasi 13 o‘yinda yengilmagandi — 11 g‘alaba, 2 durang.

Ispaniyalik mutaxassis qo‘l ostidagi “Arsenal” APL doirasida ketma-ket uchinchi marta “Gudison Park”da mag‘lubiyatni qabul qilib oldi. Bunaqasi tarixda ilk bor kuzatildi, shu vaqtga qadar “kanonirlar” liga doirasida “Everton” uyida qatorasiga uchta o‘yinda mag‘lub bo‘lmagandi.