Turkmaniston O‘zbekistonga tekinga gaz yetkazib beradi 

Turkmaniston prezidenti Serdar Berdimuhammedov O‘zbekistonga bepul suyultirilgan gaz berish bo‘yicha farmonni imzoladi. Bu haqda “Zolotoy vek” gazetasiga tayanib, UzNews xabar qildi.

Farmonda Turkmaniston O‘zbekistonga birodarlik yordami sifatida tekin gaz yetkazib berishi qayd etilgan. 

Hujjatga ko‘ra, bu “yaxshi qo‘shnichilik va qardoshlik munosabatlarini yanada mustahkamlash” maqsadida amalga oshirilgan.

Hajmi hozircha noma’lum bo‘lgan suyultirilgan gaz “Turkmangaz” davlat konsernidan olinadi.