Baxtiyor Saidov va Ukraina elchisi ikki tomonlama hamkorlik masalalarini muhokama qildi

O‘zbekiston tashqi ishlar vaziri vazifasini bajaruvchi Baxtiyor Saidov 2-fevral kuni Ukraina elchisi Nikolay Doroshenkoni qabul qildi.

TIV matbuot xizmatining ma’lum qilishicha, turli sohalardagi O‘zbekiston—Ukraina ikki tomonlama hamkorligining dolzarb masalalari muhokama qilindi. Savdo-iqtisodiy yo‘nalishda aloqalarni jadallashtirish bo'yicha qo‘shma chora-tadbirlar ko‘rish muhimligi qayd etildi.

“Ukraina elchisi Nikolay Doroshenko bilan konstruktiv muloqot o‘tkazdim. O‘zbekiston—Ukraina hamkorligining qator jihatlarini, shu jumladan iqtisodiyot va savdo sohasidagi aloqalarni muhokama qildik”, — deb yozgan Baxtiyor Saidov o‘zining Telegram-kanalida.