Prognozlarga qaramay to‘rtinchi chorakda Yevropa iqtisodiyoti o‘sdi

Yevropa Ittifoqi statistika boshqarmasi 2022-yilning to‘rtinchi choragi uchun asosiy iqtisodiy ko‘rsatkichlar bo‘yicha dastlabki ma’lumotlarni e’lon qildi. 

Bu davrda yevrohududning 19 mamlakatining umumiy yalpi ichki mahsuloti uchinchi chorakga nisbatan 0,1 foizga o‘sdi. 

Mazkur ko‘rsatkich YIMning 0,1 foizga pasayishini prognoz qilgan Trading Economics tahlilchilarining prognoziga zid keladi.

To‘rtinchi chorakda YIMning 0,1 foiz o‘sish sur’ati 2021-yilning birinchi choragidan beri eng past ko‘rsatkich bo‘ldi. 

Bu yuqori inflyatsiya bosimi (2022-yil dekabr oyida 9,2 foiz), shuningdek, talabning o‘sishi va qimmatroq biznes kreditlari bilan bog‘liq.

Eurostat ma’lumotlariga ko‘ra, mamlakat ko‘rinishida Irlandiya (2022-yilning to‘rtinchi choragida YIMning 3,5 foiz), Ispaniya (0,2 foiz), Fransiya (0,1 foiz) yaxshiroq iqtisodiy holatda bo‘lgan bo‘lsa, Shvetsiya (-0,6 foiz), Chexiya (-0,3 foiz) va Germaniya (-0,2 foiz) YIMsi ko‘proq pasaygan.

Trading Economics prognozlariga ko‘ra, Yevropa yalpi ichki mahsulotining o‘sish sur’ati 2024-yilda taxminan 0,3 foiz va 2025-yilda 0,4 foiz bo‘ladi.