Ozarbayjon o‘z fuqarolarini Eronga bormaslikka chaqirdi

Ozarbayjon Tashqi ishlar vazirligi fuqarolariga zaruratsiz Eronga bormaslikni tavsiya qildi.

“Erondagi beqaror vaziyat va Ozarbayjon diplomatik vakolatxonasiga qarshi uyushtirilgan teraktni hisobga olib, biz fuqarolarga Eronga zaruratsiz tashrif buyurmaslikni, Islom Respublikasida boʻlib turganlarga esa oʻta ehtiyotkorlik va xavfsizlik qoidalariga rioya qilishni tavsiya etamiz”, — deyiladi Ozarbayjon tashqi ishlar vazirligi bayonotida.

27-yanvar kuni Tehrondagi Ozarbayjon elchixonasiga hujum uyushtirilgan edi. Hujumchi xavfsizlik postida Kalashnikov avtomatidan o‘q uzgan, qo‘riqchilar boshlig‘i halok bo‘lgan. Yana ikki qo‘riqchi yaralangan. Keyinroq hujum lahzalari aks etgan video e’lon qilindi.

OAV elchixonada otishma sodir etgan erkak buni oilaviy sabablarga ko‘ra qilgani haqida yozdi. U yarim yildan ortiq vaqtdan beri bedarak ketgan rafiqasini shu diplomatik vakolatxona binosida deb o‘ylagan.