“Inter” “Manchester Yunayted” sardoriga qiziqish bildirmoqda 

Italiyaning “Inter” jamoasi “Manchester Yunayted” sardori Harri Maguayrga qiziqish bildirmoqda.

Daily Mail nashrining xabar berishicha, “nerazzuri” angliyalik himoyachini ijaraga olish borasida taklif yuborgan. “Inter” Maguayrni “PSJ”ga o‘tayotgan Milan Shkrinyarga o‘rinbosar sifatida ko‘rmoqda.

Harrining o‘zi yozga qadar “Manchester Yunayted” safida qolib, jamoadagi holatini baholaganidan so‘ng kelajagi haqida qaror qabul qilishni xohlamoqda.

Harri Maguayr 2022/23-yilgi mavsum APLda 8 ta o‘yinda maydonga tushgan.