Uzbekistan Airways Milan va Parijga aviaqatnovlarni tiklaydi

Uzbekistan Airways bahor mavsumidan boshlab Italiyaning Milan va Fransiyaning Parij shaharlariga aviaqatnovlarni tiklaydi.

Aviakompaniya matbuot xizmatining ma’lum qilishicha, 28-martdan boshlab Toshkent—Milan—Toshkent va 31-martdan Toshkent—Parij—Toshkent yo‘nalishida aviaqatnovlarni amalga oshirish boshlanadi.

Parvozlar haftada ikki marta — seshanba va juma kunlari amalga oshiriladi.

Toshkent–Milan yo‘nalishida aviachiptalar 4 391 000 so‘mdan, Toshkent—Milan—Toshkent yo‘nalishida esa 6 084 752 so‘mdan boshlanadi. Toshkent—Parij yo‘nalishida aviachiptalar 4 317 000 so‘mdan, Toshkent— Parij —Toshkent yo‘nalishida esa 6 337 975 so‘mdan boshlanadi.