A Seriya. “Napoli” turning markaziy o‘yinida “Roma”ni mag‘lub etdi

Futbol bo‘yicha Italiya chempionatining 20-turida “Napoli” va “Roma” jamoalari 29-yanvar, yakshanba kuni o‘zaro to‘qnash keldi.

Uchrashuvning 17-daqiqasida Viktor Osimhen neapolliklarni oldinga olib chiqdi. Rimliklar bunga 75-daqiqada Stefan ash-Shaaravining goli bilan javob qaytardi.

86-daqiqada Jovanni Simeone “Napoli”ning ikkinchi golini urdi. Qolgan vaqtda hisob o‘zgarmadi.

Ushbu g‘alaba evaziga “Napoli” ochkolarini 53 taga yetkazib oldi va yakka peshqadamlikda davom etmoqda.

20-tur o‘yinlaridan keyin musobaqa jadvali quyidagi ko‘rinishni oldi:

A Seriya

20-tur bahsi

29-yanvar, yakshanba

“Napoli” — “Roma” 2:1

Gollar: 1:0 – 17 Osimhen, 1:1 – 75 ash-Shaaravi, 2:1 – 86 Simeone.

“Napoli”: Meret, Di Lorenso, Rrahmani, Kim Min Je, Mariu Ruy (Olivera, 69), Lobotka, Zelinski (Ndombele, 90), Zambo-Angissa, Losano (Simeone, 76), Osimhen (Raspadori, 76), Kvaratsxeliya (Elmaz, 68).

“Roma”: Ruy Patrisiu, Smolling, Manchini, Rojer, Spinatssola (ash-Shaaravi, 46), Matich (Taxirovich, 83), Kristante (Volpato, 89), Pellegrini (Bove, 83), Zalevski, Dibala, Abraham (Belotti, 73).

Ogohlantirishlar: Dibala (33), Osimhen (68), ash-Shaaravi (70).

“Latsio” — “Fiorentina” 1:1

Gollar: 1:0 – 8 Kazale, 1:1 – 49 Gonsales.