Juda band va tig‘iz ish jadvaliga ega bo‘lishiga qaramay yaxshilik qilishga yoki rejalashtirilgan kutilmagan hodisalarni uyushtirishga tayyor bo‘lgan chinakam oltin yurakli yulduzlar bor. Ular boshqalarning yuziga tabassum olib keladi, shuning uchun ham ularni yanada yaxshi ko‘rishadi.
Dueyn Jonson
Bir kuni Dueyn Jonson 2 farzandini yolg‘iz tarbiyalayotgan otani hayratda qoldiradi — ularga Rojdestvo sovg‘alarini hadya qiladi. Dueyn Jonson o‘z harakatini yanada mazmunli va ijtimoiy foydali qilish uchun aktyor Jon Krasinski bilan hamkorlikda yolg‘iz otalarning farzandlari uchun o‘yinchoqlar sotib oladigan notijorat xayriya tashkilotiga 5 million dollar xayriya qiladi.
Kolin Farrel
46 yoshli aktyor bir marta Stress ismli uysiz odamga 2100 dollarlik kiyimlar xarid qilgan, so‘ng ijara haqini to‘lash va ko‘chada yashamasligi uchun unga 830 dollar naqd pul bergan.
Bu Farrellning Stressga bergan birinchi yordami emas edi. U Stress bilan 4 yil oldin u bilan birga radioeshittirishga kelganida tanishgan: aktyorni studiyaga olib kelgan odamga pul va'da qilishgan. Natijada erkak 2000 dollar mukofot olishga muvaffaq bo‘ladi.
Ledi Gaga
36 yoshli qo‘shiqchi do‘kon oldida dastxat olish uchun navbatda turgan muxlislarini 80 dona pishloqli pitssaga buyurtma berish orqali xursand qilishga qaror qiladi. Bu unga 1000 dollarga tushadi. Bundan tashqari, u pitsseriyaning yetkazib beruvchisiga juda yaxshi choychaqa beradi.
Kris Xemsvort
Bir kuni Gollivud aktyori tasodifan hamyonini restoranda unutib qoldiradi. Uni 17 yoshli yigit topib, hamyonni egasiga qaytaradi. Tor rolining ijrochisi yigitdan juda minnatdor bo‘ladi — barcha naqd pullar joyida bo‘lgan. Kris pullarning barchasini o‘smirga berishga qaror qiladi. Bonus sifatida yana ozroq pul ham qo‘shadi.
Teylor Svift
Saxiyligi bilan mashhur 33 yoshli qo‘shiqchi bir marta portugaliyalik qizga Buyuk Britaniyadagi universitetga kirishiga yordam berish uchun 30 000 dollardan ortiq xayriya qiladi.
Teylor Svift talabaning GoFundMe sahifasini ko‘rib qoladi. Aktrisa qizning istagi va fidoyiligidan ilhomlanib, uni qo‘llab-quvvatlashga va bu orzusini amalga oshirishda yordam berishga qaror qiladi.
Kayli Jenner
Teleshou davomida Kayli Jenner ayol va uning qiziga moliyaviy ahvolini yengillashtirish maqsadida 200 ming dollar xayriya qiladi. 22 yoshli qizi onasiga yordam berish uchun kollejni tashlamoqchi bo‘ladi. Kaylining saxiy xayr-ehsoni unga talabalik kreditlarini to‘lash va o‘qishga qaytish imkonini beradi.
Zak Efron
Ijtimoiy tarmoqdagi videoga ko‘ra yulduzni suratga olmoqchi bo‘lgan muxlisi telefonini tushirib yuboradi. 35 yoshli aktyor muxlisiga 949,99 dollarga yangi iPhone olib beradi. Yigit yulduzning saxiyligidan xursand bo‘lganini, bundan tashqari, aktyor uni suhbatlashish uchun suratga olish maydoniga taklif qilganini aytadi.
Izoh (0)