Andijon viloyati Xo‘jaobod tumanida 25-yanvar kuni 30 yoshli erkak ammasi va jiyanini o‘ldirdi. Bosh prokuratura holat yuzasidan munosabat bildirdi.
Qayd etilishicha, soat 18:30 da erkak ammasining yashash uyida kredit qarzdorligini to‘lash uchun qarzga pul so‘ragan va ammasidan rad javobini olgan.
Rad javobidan jahli chiqqan erkak pul mablag‘larini qo‘lga kiritishni maqsad qilib, ammasi va u bilan yashovchi jiyanini xo‘jalik pichog‘i bilan qasddan o‘ldirgan.
Shundan so‘ng u xonadonda bo‘lgan 7 million so‘m pulni qo‘lga kiritib, voqea joyidan yashiringan. Olib borilgan tezkor-qidiruv tadbirlari natijasida gumonlanuvchi shaxs ushlangan. Tergov harakatlari davom etmoqda.
Izoh (0)