Afg‘onistonda aholining deyarli yarmi to‘yib ovqatlanmayapti — BMT

Afg‘onistonda to‘yib ovqatlanmaydigan odamlar soni hozirda rekord darajada yuqoriga chiqqan – mamlakatning deyarli yarim aholisi ochlikdan aziyat chekmoqda. Bu haqda Birlashgan Millatlar Tashkiloti oziq-ovqat agentligining Kobuldagi vakili Filipp Kropfga tayanib, NBC News xabar berdi.

Ekspertning fikricha, ushbu mamlakatda deyarli har ikkinchi odam ochlik bilan yashamoqda.

“40 million aholisi boʻlgan mamlakatda 7 million bola (5 yoshgacha) va onalar toʻyib ovqatlanmaydi”, — dedi u.

Kropfning so‘zlariga ko‘ra, 2021-yil avgustida “Tolibon” hokimiyatni egallab olishi millionlab odamlarni qashshoqlik chegarasidan pastga tushirdi va xalqaro yordamni to‘xtadi. U Afg‘oniston xalqi hali ochlikdan o‘lmayotgan bo‘lsa-da, ularda gumanitar inqirozning oldini olish uchun hech qanday resurs yo‘qligini ta’kidladi.

Avvalroq CNN “Tolibon” vakiliga tayanib, Afg‘onistonda anomal sovuq qurbonlari 150 kishidan oshgani haqida xabar bergandi. BMTning Gumanitar masalalarni muvofiqlashtirish boshqarmasi afg‘on aholisiga 565 ming kishiga mo‘ljallangan ko‘rpa-to‘shak, isitish moslamalari va boshpana vositalari ko‘rinishidagi yordamni tarqatishni boshlagan.