“Yoshlar — kelajagimiz” jamg‘armasi Qashqadaryo viloyati filiali sobiq boshligʻi 1,8 mlrd so‘mni talon-toroj qilganlikda gumonlanib, jinoyat ishi qo‘zg‘atildi.
Viloyat prokuratura matbuot xizmatining ma’lum qilishicha, u Qarshi shahridagi faoliyat koʻrsatuvchi MCHJ rahbari bilan jinoiy til biriktirib, oʻziga ishonib topshirilgan va ixtiyorida boʻlgan “Yoshlar — kelajagimiz” jamgʻarmasi viloyat filialining 1,8 milliard soʻm pul mablagʻlarini oʻzlashtirish va rastrata qilish yoʻli bilan talon-toroj qilgan.
Mazkur holat yuzasidan Qarshi shahar prokuraturasi tomonidan Jinoyat kodeksining 167- va 209-moddalari bilan jinoyat ishi qoʻzgʻatilib, dastlabki tergov harakatlari olib borilmoqda.
Dastlabki tergov davomida ikki nafar shaxsga nisbatan qamoqqa olish tarzidagi ehtiyot chorasi qoʻllanilgan.
Tergovning borishi viloyat prokuraturasi tomonidan alohida nazoratga olingan.
Izoh (0)