Bernardu, Gundo‘g‘an, Uoker, Lyaport va Kanselu yozda “Manchester Siti”ni tark etishi mumkin. Futbolchilar Pep Gvardioladan norozi

“Manchester Siti” bosh murabbiyi Pep Gvardioladan norozi bo‘lgan jamoaning bir necha futbolchisi yozda klubni tark etmoqchi. 

Gap Ilkay Gundo‘g‘an, Kayl Uoker, Joau Kanselu, Bernardu Silva va Emerik Lyaport haqida ketmoqda. Bu haqida jurnalist Xose Alvares Gayya ma’lum qildi.

“‘Manchester Siti’da keng ko‘lamli xayrlashuv kelishuvlari tayyorlanmoqda. Kiyim almashtirish xonasida nosog‘lom muhit mavjud. Yaqinda Gvardiola shartnomasini yana ikki mavsumga uzaytirdi va bu jamoadagi undan norozi bo‘lgan bir necha futbolchilarga yoqmadi. Ular muhim futbolchilar.

Gap yozda jamoani tark etmoqchi bo‘lgan Joau Kanselu haqida ketmoqda. Kayl Uoker ham ketish istagida. Gundo‘g‘am, Bernardu Silva hamda Lyaport kabi futbolchilar yozda yangi jamoa topmoqchi. ”

Kanselu va Uokerning Gvardiola bilan munosabati yaxshi emas, bu esa e’tibor beriladigan jihat. Ilkayning ‘shaharliklar’ bilan shartnomasi yakuniga yetmoqda. U ikki yildan buyon shartnomani uzaytirishga harakat qilmoqda, lekin yaqinda uning agenti hisoblangan qarindoshi ‘Barselona’ bilan muzokaralarni boshladi. Muzokaralarda siljish bor. 

Manchester klubi Silvaga yangi bitim taklif qilmoqda, biroq portugaliyalik futbolchi buni rad etib kelmoqda. Chunki u yozda klubni tark etmoqchi. Lyaport ham shunga o‘xshash vaziyatga duch kelgan. U ham yozda ketish haqida o‘ylamoqda. Balki, u La Liga klubiga o‘tar. ‘Manchester Siti’dagi vaziyat mana shunaqa”, — deydi Gayya. 

“Manchester Siti” hozirda APL jadvalida 2-o‘rinda bormoqda. “Shaharliklar” musobaqa yetakchisi “Arsenal”dan 5 ochko ortda.