O‘tirib ishlaydiganlar uchun: bel og‘rig‘ini yengillashtiruvchi mashqlar (foto)

Bel og‘rig‘i sizni bezovta qilmasligi uchun umurtqa pog‘onasini cho‘zish uchun kuniga bir nechta mashqlarni bajarish kifoya.

Mustaqil holda bajariladigan mashqlar

1. Boshlang‘ich pozitsiya — tik turish.

Qo‘llar orqaga qilinadi, yetakchi qo‘l tepada bo‘lishi kerak. Umurtqa pog‘onangizga imkon qadar balandroq tuting.

Orqaga egilib, umurtqa pog‘onangizni bosing. Qirsillagan ovoz eshitishingiz mumkin — xavotirlanmang, bunday mashqlar uchun tabiiy hol.

2. Suyanchig‘i kichikroq stulga o‘tiring

Orqaga suyanib, stulning oldiga o‘tiring. Qo‘llaringizni peshonangizga qo‘ying, nafas oling. Bosh va yelkangizni stulning orqa tomoniga tushiring. Shu nuqtada yuqori bel sohasida chertish hissi paydo bo‘lishi mumkin.

3. Boshlang‘ich pozitsiya — devor burchagiga yaqin turish

Qo‘llaringizni keng yoyib, kuraklarni harakatlantiring. Ehtiyotkorlik bilan cho‘ziling — har qanday kuchlanish darhol o‘tib ketadi.

4. Navbatdagi mashq uchun katta to‘p kerak bo‘ladi.

To‘pga o‘tiring, to‘p belingiz ostida bo‘lishi uchun ehtiyotkorlik bilan pozitsiyangizni o‘zgartiring. To‘pni orqaga va oldinga aylantiring, umurtqa pog‘onasini massaj qiling.

5. Tizzalagan holda to‘pni oldingizga qo‘ying

To‘pni ushlab, asta-sekin oldinga egiling. Orqa to‘liq to‘g‘rilanganda, bir muddat tinch holatda qimirlamang.

6. To‘pga qorin bilan yoting

Qo‘l va oyoq barmoqlaringizning uchi bilan plda turing, tizzalaringizni muvozanatda saqlang. Qo‘llaringizni bo‘shashtiring va belni bir oz pastga tushiring.

Massaj

Yerga yotib, qo‘llaringizni yon tomonga yoyib, tirsaklarga egilib turing. Boshingizni chapga buring.

Sherigingizdan sizni massaj qilishini so‘rang — beldagi taranglikni yengillashtirishning bundan yaxshiroq usuli yo‘q.

Massaj qiladigan odam qo‘llarini belga shunday qo‘yishi kerakki, orqa miyaga qarama-qarshi tomonda bo‘lsin.

U qo‘llarini yuqoriga ko‘tarib, umurtqa pog‘onasi ustiga bosadi. Bosganida chuqur nafas oling.

Massaj belning o‘rtasidan boshlanishi va bo‘yin yaqinidagi eng yuqori nuqtaga qadar davom etishi kerak.