Filmdagi obrazi uchun tashqi ko‘rinishini tubdan o‘zgartirgan aktyor va aktrisalar (foto)
Aktyorning iste’dodi kinoning turli janrlarida – komediyadan tortib trillergacha teng darajada yaxshi o‘ynash qobiliyati bilan o‘lchanadi. Ba’zan tomoshabinlarni ekranda bo‘layotgan voqealarga ishontirish uchun aktyorlar tashqi ko‘rinishini tubdan o‘zgartirishi kerak.
Nikol Kidman
“Soatlar” filmida Nikol Kidmanni ingliz yozuvchisi Virjiniya Vulfga aylantirish uchun vizajistlarga 3 soat vaqt kerak bo‘ladi. Aktrisa qahramoniga o‘xshashi uchun soxta burundan foydalanishiga to‘g‘ri kelgan. Shu roli sabab behuda emas Kidman eng yaxshi ayol roli uchun “Oskar”ni qo‘lga kiritadi.
Nikolas Keyj
2023-yil yanvar oyida “Renfild” filmining treyleri chiqdi. Yangi film Drakulaning sodiq xizmatkori haqida hikoya qiladi. Nikolas Keyj graf Drakula obrazi uchun tanib bo‘lmaydigan darajada o‘zgargan.
Xoakin Feniks
Xoakin Feniks “Gladiator” filmidan keyin butun dunyo bo‘ylab mashhur bo‘ldi va tomoshabinlar mehrini qozondi. Aktyor o‘zining xilma-xil rollari bilan tanilgan: 2023-yilda u “Napoleon” filmidagi ijrosi va yangi reenkarnatsiyasi bilan bizni yana xursand qiladi.
Tohar Rahim
Fransuz aktyori Tohar Rahim “Payg‘ambar” filmi bilan mashhur. Ammo “Ilon” serialidagi rol uning faoliyatidagi eng qiyin sinovlardan biriga aylandi. Soqolsiz yuzi, 70-yillardagi soch turmagi, yuzidagi qoplamalar va sovuq nutqi Rahimni deyarli tanib bo‘lmas holga keltirdi.
Syuzan Sarandon
Mashhur Gollivud aktrisalaridan biri Syuzan Sarandon o‘zini turli obrazlarda sinab ko‘rishdan qo‘rqmaydi. U “Adovat” filmida mashhur kino yulduz obrazi bilan bir qatorda “Maftunkor” kartinasida yovuz sehrgar rolini o‘ynashi ham mumkin.
Al Pachino
Aktyor qiyofasini o‘zgartirish borasida haqiqiy iste’dodga ega. Bunga “Dik Treysi” filmidagi Katta Kapris obrazi yorqin misol bo‘la oladi.
Tom Xenks
Ko‘pchilik Tom Xenksni Forrest Gamp filmidagi rolidan taniydi. Ammo aktyor “Qochqin” filmida Xenks 20 kiloga ozish, soch va soqolini o‘stirish uchun suratga olish ishlaridan bir yil tanaffus olishga majbur bo‘ladi.
Ben Kingsli
Ben Kingsli 1982-yilda “Gandi” filmida Mahatma Gandi rolini o‘ynaydi. Uni mashhur hindga o‘xshatish uchun aktyor tanib bo‘lmas darajada grimm qilingan. Aynan shu roli Ben Kingsliga kinodagi karyerasining boshidanoq shuhrat keltiradi.
Erik Bana
Avstraliyalik aktyor Erik Bana “Yulduzli yo‘l” filmida yovuz qahramon Neron rolini o‘ynaydi. Aktyorni suratga olish maydonchasida hatto o‘z agenti ham tanimagan.
Jonni Depp
Jonni Depp juda ko‘plab eksantrik obrazlarga ega. “Ma’shuqa” filmida aktyor qirol Lyudovik XV sifatida namoyon bo‘ladi.
