Besh yil ichida dunyoda neftga bo‘lgan talab eng yuqori cho‘qqisiga chiqadi. Bu fikrni Tesla elektromobillar ishlab chiqaruvchisi asoschisi Ilon Mask Twitter’da bildirdi.
“Neftga bo‘lgan talab besh yil ichida eng yuqori cho‘qqiga chiqishi mumkin”, — deb yozdi u Twitter’da.
U Amerikaning JPMorgan Chase banki bosh direktori Jeyms Dimonning insoniyat yana 50 yil davomida neft va gazga muhtojligi haqidagi prognoziga shunday izoh bergan.
Mask Dimonning global hamjamiyat uzoq vaqt davomida uglevodorodlardan foydalanishda davom etishi haqidagi fikriga qo‘shildi.
Saudi Aramco bosh direktori Amin Nosir neftga bo‘lgan talabning o‘sishi keyingi o‘n yil ichida barqaror bo‘lishini aytgan edi.
Elektr transport vositalarining ommaviyligini oshirish va qayta tiklanadigan energetikaning rivojlanishi talabni “qisman qoplaydi”, ammo 2030-yilga kelib xom neft iste’moli albatta oshadi, — dedi Nosir.
Izoh (0)