Neft narxining oshishi 18-yanvar kechqurun Xalqaro energiya agentligi (IEA) tomonidan yonilg‘iga bo‘lgan talabning ijobiy prognozi tufayli davom etmoqda. Bu haqda “Interfaks” xabar berdi.
Londonning ICE Futures birjasida Brent markasining mart fyucherslari Toshkent vaqti bilan soat 20:40 ga kelib bir barrel uchun 87,33 dollarni tashkil etib, 1,41 dollarga (1,64 foiz) oshdi.
Nyu-York tovar birjasida WTI fevral fyucherslari kotirovkalari belgilangan vaqtga kelib 1,69 dollarga (2,11 foiz) oshib, bir barrel uchun 81,87 dollarga yetdi.
FactSet ma’lumotlariga ko‘ra, ikkala brendning ham savdosi o‘tgan yilning 5-dekabridan beri eng yuqori darajani tashkil qilmoqda.
18-yanvar kuni IEA 2023-yilda neftga bo‘lgan global talabning o‘sish prognozini kuniga 160 ming barrelga oshirdi.
Agentlik mutaxassislariga ko‘ra, joriy yilning ikkinchi choragida jahon talabi kuniga 100,81 million barrelgacha, uchinchi choragida 102,86 million barrelgacha, to‘rtinchi chorakda esa 103,51 million barrelgacha o‘sadi. Bu tarixiy rekord bo‘lishi kutilmoqda.
Agentlik shuningdek, ushbu yonilg‘ining dunyodagi eng yirik importchisi bo‘lgan Xitoyda neftga bo‘lgan talab prognozini sutkalik 100 ming barrelga yaxshilagan holda 15,9 million barrelga yetkazdi.
“Xitoyda iste’mol talabining qaytishi neft bozori istiqbolining katta omilidir”, — dedi SPI Asset Management boshqaruvchi hamkori Stiven Innes.
Mavzuga doir: Rossiya Osiyoga neft yetkazib berish hajmini oshirdi — Reuters
Izoh (0)