G‘arb mamlakatlari Ukrainaga 4 mingdan ortiq qurol-yarog‘ yetkazib berdi, deb yozadi Bloomberg. Bu raqam ichiga zirhli texnika, artilleriya hamda harbiy samolyotlar kiradi.
Ushbu yetkazmalar quyidagilarni o‘z ichuga oldi:
- 410 ta tank (Polsha, Chexiya va Sloveniyadan);
- 300 ta jangovar piyoda mashinalari;
- 1100 ta bronetransportyor va bir necha yuzlab boshqa transport vositalari, shu jumladan, zirhli davolash markazlari;
- qariyb 925 ta minaga qarshi himoyalangan mashinalar;
- 1540 dan ortiq piyodalar ko‘chma transport vositalari;
- 300 ta shatakchi gaubitsalar (ko‘pchiligi — AQSHdan);
- 95 ta raketa qurilmalari, 38 Amerikaning HIMARS raketa tizimlari va 40 dan ziyod baravariga o‘t ochish reaktiv tizimlari (Polsha va Chexiyadan).
Shuningdek, NATO bosh kotibi Yens Stoltenberg nemis OAVlariga bergan intervyusida yaqin orada Ukraina og‘ir qurollarning navbatdagi partiyasini olishini aytdi.
O‘tgan hafta boshida Germaniyada Ukrainaga Leopard tanklarini jo‘natish bo‘yicha muzokaralar ketayotgani haqida ma’lum bo‘lgandi. Yakuniy qaror shu hafta ichida qabul qilinishi kutilmoqda.
14-yanvar kuni Ukraina prezidenti Vladimir Zelenskiy ofisining rahbari Andrey Yermak Ukraina o‘z ittifoqdoshlaridan og‘ir qurol-yarog‘ qabul qilishni boshlab yuborgani haqida ma’lum qildi. Kiyev aynan qaysi mamlakatlardan qanday qurol-yarog‘ olganiga Yermak aniqlik kiritmagan.
Izoh (0)