Eron hijobni noto‘g‘ri o‘ragan ayollarni Xitoy texnologiyasi yordamida aniqlamoqda

Eron hukumati mamlakatdagi namoyishchilarni hibsga olish uchun Xitoy texnologiyasidan foydalangani ma’lum qilindi. Bu haqda Fox News xabar berdi.

Hukmron rejim namoyishchilarni, hijobni noto‘g‘ri o‘ragan ayollarni hibsga olish va jinoiy javobgarlikka tortish uchun Xitoyning yuzni tanish texnologiyasidan foydalangan. Ko‘plab ayollar ko‘chada huquq-tartibot idoralari xodimlarini uchratmagan bo‘lsalar ham, mamlakat adliya organlaridan “hijob o‘rash qonunini buzganligi” uchun xat olgan. Olingan ma’lumotlarga ko‘ra, Islom Respublikasi ko‘p yillardan buyon fuqarolarning “biometrik ma’lumotlar bazasi”ni yuzini skanerlash orqali tuzib kelmoqda.

Ko‘chada jismoniy qarama-qarshiliklarga yo‘l qo‘ymaslik uchun Eron rejimi qonunlarni amalga oshirish va namoyishchilarni hibsga olish uchun raqamli kuzatuvdan foydalangan. Yuzni tanib olish loyihasi so‘nggi yillarda butun dunyo bo‘ylab avtoritar rejimlar uchun tanlov vositasiga aylangan. Xitoy texnologiyasi Kommunistik partiya tomonidan butun mamlakat bo‘ylab muxolifat faoliyatini nazorat qilish va bostirish uchun ishlatilgan. Endi Eron ham mamlakatdagi ichki muammolarida undan foydalanmoqda.

Mavzuga doir: Ishdan bo‘shatishdan surgun qilishgacha: Eronda hijobni noto‘g‘ri o‘raganlarga nisbatan jazo kuchayadi