Saudiya Arabistonida 50 nafar o‘zbekistonlik ziyoratchilar bo‘lgan avtobus YTHga uchradi. Bu haqda TIV rasmiy vakili Yusup Kabuljanov xabar berdi.
Ma’lum qilinishicha, voqea 27-dekabr kuni Saudiya Arabistoni vaqti bilan soat 09:15 da, “Al-Afaj” transport kompaniyasiga tegishli Mercedes-Benz avtobus haydovchisi Jidda—Madina 160-magistral yo‘lida uxlab qolishi oqibatida yuz bergan.
Mazkur avtobusda O‘zbekistondan borgan 50 nafar ziyoratchilardan 10 nafari jarohatlangan. Jabrlanganlarga Madina shahri yaqinidagi “Vadi Al-Far’” va “Al-Himna” shifoxonalarida tez tibbiy yordam ko‘rsatilgan.
Avtobusdagi 40 nafar ziyoratchi Madina shahridagi mehmonxonaga joylashtirilgan.
“Mazkur holat O‘zbekistonning Jidda shahridagi Bosh konsulxonasi tomonidan nazoratga olingan. Ushbu mamlakatning huquqni muhofaza qiluvchi idoralari hamda tibbiyot muassasalari bilan doimiy aloqa o‘rnatilgan. Diplomatlarimiz fuqarolarimiz holidan xabardor bo‘lib turibdi”, — degan TIV rasmiy vakili.
Izoh (0)