Ijtimoiy tarmoqlar asrida odamlar shaxsiy hayotlari tafsilotlarini boshqalar bilan baham ko‘rishga ishtiyoqi ortib bormoqda. Muxlislar mashhurlarning munosabatlarini kuzatishni yaxshi ko‘radilar. Ammo ba’zi yulduzlar ularning munosabati muhokama qiladigan narsa emas deb hisoblashadi. Ko‘plab mashhurlar hayotlarining bu jihatini sir saqlash uchun harakat qiladi.
Tom Holland va Zendaya
Muxlislar “O‘rgimchak odam”da juftlik rolini o‘ynagan bu aktyorlarning birga bo‘lishini uzoq vaqtdan beri orzu qilishgan, chunki ular orasidagi sevgi juda ishonarli chiqqan. Tom va Zendaya hech narsani oshkora e’lon qilishmaydi, biroq ma’lum bo‘lishicha ular film suratga olinayotgan paytda uchrashishni boshlagan. “Ular munosabatlarini yashirish uchun juda ko‘p harakat qilishadi”, — deydi insayder.
Juftlikning bir-biridan bo‘sa olayotgan surati internetni portlatib yubordi, bu esa Tom Hollandga yoqmadi.
O‘zimizni juda shaxsiy narsamiz olib qo‘yilgandek his qildik, — deydi u. — Faqat ikkalamiz uchun bo‘lgan bu samimiy lahzani endi butun dunyo ko‘rdi.Shuningdek, aktyor o‘z hayoti haqida ochiq gapirsa-da, munosabatlar haqida gapirish niyatida emasligini qo‘shimcha qiladi.
Kris Martin va Dakota Jonson
Kris va Dakota 2017-yilda, Coldplay guruhi solisti rafiqasi Gvinet Peltroudan ajrashganidan bir necha yil o‘tib uchrashishni boshladi. Musiqachi va aktrisa munosabatlarni sir saqlashga harakat qilishadi. Juftlikni tez-tez Martin va Peltrouning bolalari bilan oilaviy ta’tillarda ko‘rish mumkin.
Juftlik Barbara Streyzandning tug‘ilgan kunida ham birga ko‘rinish berdi. Ba’zan Kris va Dakotaning shaxsiy hayoti haqidagi yangiliklar chiqib qoladi. Masalan, musiqachi o‘z sevgilisiga atab kompozitsiya bag‘ishladi va bu haqda konsertida e’lon qildi: “Bu qo‘shiq mening borlig‘im haqida va bugun u shu zalda”.
Emma Stoun va Deyv Makkeri
Hushyor paparatsilar tomonidan olingan bir nechta tungi uchrashuv fotosuratlari va qizil gilamdagi debyut ko‘rinishi bundan mustasno, “La La Lend” aktrisasi va Saturday Night Live rejissori o‘rtasidagi munosabatlar haqida hech qanday ma’lumot yo‘q. Ammo 2019-yilda ular nihoyat folloverlarini xursand qilib, unashtiruv uzugini ko‘rsatgan Stounning suratini e’lon qilishdi. 2021-yilda juftlik qiz farzand ko‘rishdi.
Natali Portman va Benjamin Milpie
Natali va Benjamin Milpie xoreograf bo‘lib ishlagan “Qora oqqush” filmida tanishishgan. Ko‘pchilik ularning 2012 yilda unashtirilganini bilmaydi. Hattoki to‘y ham uyda yopiq holda o‘tkazilgan. To‘yda faqat do‘stlar va oila a’zolari ishtirok etgan.
Portman shaxsiy hayotini juda qadrlaydi. “Men munosabatlarimni bilan maqtanishni xohlamayman”, — deydi u. Ammo yaqinda aktrisa folloverlarini turmush o‘rtog‘i bilan nikohining 10 yilligida tushgan noyob fotosurati bilan xursand qildi.
Jennifer Lourens va Kuk Maroni
“Hayot-mamot o‘yinlari” yulduzi va san’at galereyasi direktori uzoq vaqt davomida munosabatlarini ommadan sir tutdi. Aktrisa uning oilaviy hayoti haqida gap ketganda jamiyat chegaralarni hurmat qilishini xohlaydi.
Lourens shunday deydi: “Men imkon qadar yaqinlarimning shaxsiy hayotini himoya qilaman. Oilamni ishimga aralashtirishni xohlamayman”.
Margo Robbi va Tom Akerli
Robbi rejissor yordamchisi va prodyuser Akkerli bilan 2013-yilda suratga olish jarayonida tanishgan. Avvaliga ular shunchaki qo‘shni edilar, lekin keyin ular bir-birlarini yoqtirib, yashirincha uchrashishni boshladi. Margo va Tom 2016-yilda turmush qurdi. “Aslida turmush qurish juda qiziqarli. Bundan tashqari, mas’uliyatni his qilaman va yaxshiroq bo‘lishga intilaman, — deydi Robbi.
Yeva Mendes va Rayan Gosling
Mendes va Gosling 2011-yildan beri birga, biroq ular munosabatlarini omma oldida muhokama qilishmaydi. Ularning 2 qizi bor, lekin Yeva fotosuratlarini ijtimoiy tarmoqlarda e’lon qilmaydi. “Qizlarimning suratlarini o‘zlari rozi bo‘lgunga qadar ko‘rsatmayman”, — deydi aktrisa.
Ammo aktyorlar o‘zlarining munosabatlarini ko‘z-ko‘z qilmasalar ham, turli tadbirlarga birga tashrif buyurishadi. Rayan “La La Lend” musiqiy filmidagi ijrosi uchun “Oltin globus” mukofotini olganida, rafiqasiga uning ajoyib ona ekanligini aytib, minnatdorlik bildiradi.
Teylor Svift va Jo Elvin
Ilgari xonanda partnyorlari bilan tushgan paparatsi suratlari doimo internetda yurardi. Ammo hozirgi jentlmen bilan munosabatlari avvalgilariga o‘xshamaydi. Svift va Elvin kamdan kam hollarda birga suratga tushishadi va Teylorga yaqin manbaning so‘zlariga ko‘ra, juftlik jamoatchilik e’tiborini tortishni xohlamaydi.
Mavzuga doir:
- Olimpiya o‘yinlari, ruhiy tushkunlik va yolg‘izlikda vafot etish: “Uyda yolg”iz” filmidan so‘ng aktyorlar hayotida ro‘y bergan keskin burilishlar
- Qayta tug‘ilish: o‘lim yoqasida turgan, biroq mo‘jizaviy tarzda komadan chiqqan Gollivud yulduzlari
- Suratga olish jarayonida patrnyoriga nisbatan javobsiz muhabbatni boshdan kechirgan Gollivud yulduzlari (foto)
Izoh (0)