Rossiya Kommunistik partiyasi deputati Viktor Makarov Ukrainadagi urushga ko‘cha itlarini jalb qilishni taklif qildi.
Orel kengashi yig‘ilishida mutasaddilar tomonidan shahardagi qarovsiz itlar muammosi, ular uchun tegishli boshpana yaratish masalalari muhokama qilingan. Makarov hayvonlardan Ukrainaga qarshi harbiy amaliyotda foydalanish mumkinligini aytgan.
“Bu itlarni tanklarni portlatishga o‘rgatishni taklif qilaman”, — deydi deputat.
Mahalliy ommaviy axborot vositalarining ta‘kidlashicha, avvalroq kommunist deputat Orelda qarovsiz itlar bilan bog‘liq boshqa “muammo yechimini” taklif qilgan. Jumladan, Makarov hayvonlarni Xitoyga jo‘natishni ilgari surgan.
Rossiyada safarbarlik bilan bog‘liq holda yuzaga kelayotgan ishchi kuchi tanqisligi sabab Moskva muhim sohalarda ishlayotgan o‘zbek muhojirlari uchun kvotani bekor qildi. 2021-yildan beri amalda bo‘lgan kvota O‘zbekistondan faqat 11 ming ishchiga uyushgan migratsiya sxemalari doirasida qurilish va agrosanoat sohalarida ishlash imkonini berardi.
Izoh (0)