Toshkentda beton to‘siqqa borib urilgan Nexia’da yong‘in kelib chiqdi

Toshkentning Olmazor tumanida beton to‘siqqa borib urilgan Nexia’da yong‘in kelib chiqdi.

Poytaxt YHXB matbuot xizmati xabariga ko‘ra, 30-noyabr kuni soat 21:00 larda Toshkent shahar Olmazor tumani Toshkent xalqa avtomobil yo‘li Sokin kafesi qarshisida 1996-yilda tug‘ilgan D.B. Nexia-1 ni haydab ketayotib, rul boshqaruvini yo‘qotib, yo‘lning o‘ng tomonidagi beton to‘siqqa borib urilgan.

Oqibatda mashina motor qismida yong‘in kelib chiqqan. Yongin Favqulodda vaziyatlar xodimlari tomonidan o‘chirilgan. Hodisa natijasida tan jaroxati olganlar yo‘q.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.

Mavzuga doir: Toshkentda Mercedes-Benz va Lacetti to‘qnashib ketdi