Foto: “Taksi” filmida komissar Jiber rolini ijro etgan Bernar Farsi hozir qanday ko‘rinishda?

“Taksi” filmining eng esda qolarli qahramonlaridan biri komissar Jiber rolini fransuz aktyori Bernar Farsi ijro etgan. “Kinoafisha” nashri aktyor bugun nimalar bilan band ekani haqda so‘z yuritdi.

Farsi teatr va televideniyedagi faoliyatini 1970-yillarda boshlagan. “Taksi” filmi namoyish etilishidan ancha oldin ham u o‘nlab filmlarda rol o‘ynagan mashhur va talabgir aktyor bo‘lgan.

Biroq so‘nggi yillarda 73 yoshli aktyor ekranlarda deyarli ko‘rinmay qoldi: tanqidchi va tomoshabinlarning noroziligiga sabab bo‘lgan “Taksi-5” bundan mustasno.

2010-yilda Bernar Farsi Marokashga ko‘chib ketgan va shundan keyin Fransiyaga kamroq tashrif buyurgan. Farsining shaxsiy hayoti haqida hech narsa aniq emas.