Eron AQSH terma jamoasini 10 ta o‘yinga chetlatishni so‘ramoqda

AQSH terma jamoasi matbuot xizmati o‘z ijtimoiy tarmoqlarida JCH—2022 turnir jadvali suratini e’lon qildi. Unda Eron bayrog‘i Islom Respublikasi ramzisiz tasvirlangan edi.

Ushbu post ijtimoiy tarmoqlarda jiddiy tanqidlarga sabab bo‘ldi, shundan so‘ng Amerika terma jamoasi vakillari shov-shuvli suratni olib tashladi.

Keyinchalik AQSH terma jamoasi matbuot xizmati ijtimoiy tarmoqlarda Eronning rasmiy bayrog‘isiz tasvirlash qarorini “Erondagi inson huquqlari uchun kurashayotgan ayollarni qo‘llab-quvvatlash” deb tushuntirdi xabar beradi The Guardian nashri.

Eron futbol federatsiyasi mamlakat sha’nini kamsitgani uchun AQSH terma jamoasini 10 ta o‘yinga chetlatishni so‘rab, FIFA tartib-intizom qo‘mitasiga shikoyat xati yo‘llagan.

Eslatib o‘tamiz, so‘nggi vaqtlarda Eronda davlat tuzumiga qarshi namoyishlar bo‘lib o‘tmoqda. Mamlakatda 22 yoshli Mahsa Aminiyning o‘limidan so‘ng ikkinchi oydirki, tartibsizlar, namoyishlar va to‘nashuvlar bo‘lib o‘tmoqda. Aminiy Tehronda huquq-tartibot idorasi xodimi tomonidan “hijobni noto‘g‘ri o‘ragani” uchun hibsga olingan va bir muddat politsiya bo‘limida bo‘lganidan so‘ng vafot etgan. Ushbu hodisa mamlakatda norozilik va tartibsizliklarni keltirib chiqardi.