Samarqandda ayol turmush o‘rtog‘idan qochib qutulish uchun birovning mashinasiga o‘tirishga majbur bo‘lgani aks etgan video ijtimoiy tarmoqlarda tarqalib, keng muhokamalarga sabab bo‘ldi.
Tarmoq foydalanuvchilarining so‘zlariga ko‘ra, voqea 26-noyabr kuni soat 16:30 lar atrofida sodir bo‘lgan. Er ayolini kaltaklagan. Uning qo‘lida yoshga to‘lmagan bola ham bo‘lgan. Atrofdagilardan hech kim yordam bermagan va ayol o‘zini himoya qilish uchun begonaning mashinasiga o‘tirib olib yashiringan.
Viloyat IIB matbuot xizmatining yozishicha, haydovchi ayol bu haqda 102 raqami orqali murojaat qilgan. Hozirda holat yuzasidan tergovga qadar tekshiruv harakatlari olib borilmoqda. Natijasi bo‘yicha qo‘shimcha ma’lumot beriladi.
Izoh (0)