Farg‘ona vodiysidan Toshkentga ketayotgan transport vositasi Qamchiq dovonida yo‘l-transport hodisasi sodir etdi. Bu haqda Ichki ishlar vazirligi xabar qildi.
Qayd etilishicha, YTH 24-noyabr kuni soat 4:34 da Toshkent—O‘sh avtomobil yo‘lining Qamchiq dovonidan o‘tgan qismida sodir bo‘lgan. Vodiy—Toshkent yo‘nalishida harakatlanib ketayotgan Isuzu yukmashinasi haydovchisi boshqaruvni yo‘qotib, yo‘l o‘rtasidagi temir to‘siqqa borib urilgan. Mashina ag‘darilib ketgan.
Hodisa oqibatida haydovchi transport vositasi saloni ichida qisilib qolgan.
Voqea joyiga “Qamchiq” yong‘in-qidiruv, maxsus-qutqaruv guruhi xodimlari, YPX xodimlari yetib borgan. Qutqaruvchilar maxsus anjomlar yordamida qisilib qolgan haydovchini yuk mashinasi ichidan sog‘ holatda chiqarib olgan. Unga tez tibbiy yordam ko‘rsatilgan.
Izoh (0)