O‘zbekistonda moddiy yordamga muhtoj farzandlar foydasiga 1,1 trillion so‘mlik aliment pullari undirildi. Bu haqda AOKAda o‘tkazilgan brifingda Bosh prokuratura huzuridagi Majburiy ijro byurosi axborot xizmati rahbari Farrux Toshpo‘latov ma’lum qildi.
Ta’kidlanishicha, aliment undiruviga oid ishlar bo‘yicha taraflar o‘rtasida olib borilgan targ‘ibot va profilaktika ishlari samarasida 2022-yilning o‘tgan davrida 45 500 dan ortiq oila yarashtirildi. Shuningdek, 21 300 dan ziyod ishsiz aliment to‘lovchilarning bandligi ta’minlandi.
Bugungi kunga qadar “Aliment to‘lovlari” jamg‘armasi hisobidan aliment to‘lamagani uchun jinoiy javobgarlikka tortilgan shaxslarning qarzdorligini qoplash uchun 315 nafar undiruvchiga jami 3 milliard 665 million so‘m mablag‘lar to‘lab berilgan.
Mavzuga doir:
- MIB xorijga chiquvchi fuqarolar uchun qarzni aeroportning o‘zida to‘lash va taqiqni yechish imkoniyatini yo‘lga qo‘ydi
- O‘n ikki yildan beri aliment to‘lamay kelgan buxorolik otaga qidiruv e’lon qilindi
- Ta’limdagi tafovut, erta turmush, oiladagi zo‘ravonlik va to‘lanmayotgan alimentlar: O‘zbekistonda gender tengligi bilan bog‘liq vaziyatga chetdan nazar
Izoh (0)