Ukraina prezidenti Vladimir Zelenskiy kechki murojaatida aytishicha, Xerson shahri hamda Xerson viloyatidagi Rossiya harbiylari tark etgan boshqa aholi punktlarining o‘qqa tutilishi — “yengilganlarning qasosi”dir.
“Ular jang qilishga qodir emas. Ular hozircha qodir bo‘lgan yagona narsa — terror qilish (qo‘rqitib o‘z hukmini o‘tkazish). Energetika terrori yoki artilleriya terrori, yoki raketa terrori — mana Rossiya hozirgi rahbarlari davrida qanday darajagacha tanazzulga yuz tutdi”, — dedi Zelenskiy.
Ukraina prezidenti kechki murojaatida Rossiyaning raketa zarbalaridan keyin avariya xizmatlari va boshqa tuzilmalar elektr ta’minotini iloji boricha tezroq qayta tiklash uchun olib borayotgan sa’y-harakatlarga alohida urg‘u berdi. Bundan tashqari, Zelenskiy Ukrainani qo‘llab-quvvatlayotgan ittifoqchilar bilan muzokaralar haqida gapirib berdi.
Rossiya qo‘mondonligi noyabr boshida Dneprning o‘ng qirg‘og‘ida o‘zlari egallab olgan hududlardan, shu jumladan, Xersondan chekinayotganini e’lon qilgandi. 11-noyabr kuni Xerson ozod etildi. Shundan keyin shahar Rossiya qo‘shinlari tomonidan o‘qqa tutilayotgani haqida har kuni xabar berilib kelmoqda.
Izoh (0)