Chexiyaning Karlin viloyatida olib borilgan qazishmalar paytida Napoleon urushi qurbonlarining ommaviy qabrlari topildi. Bu haqda Radio Prague xabar berdi.
Sobiq harbiylar qabristonda qazilma ishlari olib borildi. XVII-asrning ikkinchi yarmidan XIX-asr oxirigacha undan foydalanilgan. Arxeologlar o‘ndan yigirmagacha ommaviy qabrlarni topdi. Napoleon urushining ehtimoliy qurbonlari Karlin hududiga tarqalib ketgan. Ularni nafaqat Les Invalid, balki Pernerov ko‘chasida ham aniqlash mumkin. Arxeolog Martin Visheglidning ta’kidlashicha, dafn etilgan hudud taxminan 24000 metr maydonni qamrab oladi.
Olimlar bazi joylarda atigi 20 ta jasad topilgan bo‘lsa-da, o‘nlab metr uzunlikda ulkan chuqurliklar ham aniqlanganini ta’kidlaydi.
“Bu yerda Drezden va Kulm yaqinidagi janglardan keyin erkaklar dafn etilgani haqida taxminlar bor”, deyiladi xabarda.
U yerda Napoleon Fransiyasi Millatlar jangidan biroz oldin Oltinchi koalitsiya qo‘shinlari bilan to‘qnashgan. Yaradorlar Pragaga olib ketilgan va ularni davolashga harakat qilingan.
“Ehtimol, harbiylar shifoxona, kvartira va shu kabi boshqa joylarda bo‘lgan. Ammo imkoniyatlar cheklangani sababli tif va vabo tarqalgan. Bundan tashqari, ba’zi suyak qoldiqlari odamlar sifilis bilan kasallanganini ko‘rsatadi. Qabristondan ayollarga tegishli suyaklar ham topilgan” — deyiladi xabarda.
Ommaviy qabrlar joyidan noyob uzuklar, sirg‘alar, but va tasbeh topilgan. Ba’zi qabrlardan hatto harbiy ordenlar ham aniqlangan. Ayrim topilmalar ofitserning jamiyatdagi o‘rniga oydinlik kiritadi.
Barcha topilgan qoldiqlarni Milliy muzeyning antropologik omboriga yuborish rejalashtirilgan. Yig‘ib bo‘lmaydigan suyak qoldiqlari esa Olshanskiy qabristoniga dafn etiladi. Arxeologalr bu bo‘yicha olib borayotgan ishini 2022-yilda yakunlashni rejalashtirgan. Qazilma olib borilayotgan hududda ofis quriladi.
Avvalroq olimlar bundan 30 ming yildan ko‘proq vaqt avval hozirgi Chexiya hududida yashab o‘tgan qizning qiyofasini qayta tiklashga muvaffaq bo‘lgandi. Bosh suyak arxeologlar tomonidan 1881-yilda Mladech g‘orlaridan topilgan bo‘lib, ayni paytda Venadagi Tabiiy tarix muzeyida saqlanadi.
Mavzuga doir:
Izoh (0)