Ushbu oddiy mahsulotlar hamma uchun foydali. Ular organizmni sog‘lom va chiroyli bo‘lishiga yordam beradi, shuning uchun ularni ratsionga kiritish tavsiya etiladi, deb yozadi “Noviy ochag”.
Tuxum
Tuxum oqsillarga boy mahsulot bo‘lib, tarkibida A, E, D, B12, B3 vitaminlari mavjud. Tuxum sarig‘i jigar va qon tomirlarining faoliyatini normallashtiradigan lesitin va ko‘rish qobiliyatini saqlab qolish uchun zarur bo‘lgan lyutenni o‘z ichiga oladi. Tuxum tarkibida miya faoliyatini qo‘llab-quvvatlovchi niatsin va saraton rivojlanishiga to‘sqinlik qiluvchi xolin moddasi ham mavjud.
Gerkules
Gerkules donli mahsulotlar orasida ozuqa moddalari va vitaminlar miqdori bo‘yicha yetakchi hisoblanadi. U fosfor, yod, kremniy, kaliy, kalsiy, rux, B, C, A, E guruhlari vitaminlarini o‘z ichiga oladi. Gerkules qon tomirlarini tozalashga va oshqozon va ichak kasalliklarini davolashga yordam beradi, shu bilan birga minimal kaloriya miqdori mavjud.
Sut
Sut kalsiyning ajralmas manbasi bo‘lib, tish, soch va tirnoqlarni sog‘lom saqlash uchun zarurdir. Sut vitaminlar yetkazib beruvchisi sifatida ham foydali, masalan, B12 vitamini organizmdagi energiya almashinuvi uchun javob beradi, yog‘lar va uglevodlarni foydali energiyaga aylantiradi. Ba’zilarda sut iste’mol qilish shish, ko‘ngil aynishi, diareya va boshqalar A1 oqsilining mavjudligi bilan bog‘liq bo‘lishi mumkin. Bu vaziyatda faqat A2 oqsilini o‘z ichiga olgan sutni ichib ko‘rish tavsiya etiladi.
Ismaloq
Ismaloqdagi kabi vitamin va minerallarning bunday boy tarkibi boshqa mahsulotlarda kam uchraydi. Uning tarkibida kletchatka, A, E, C, H, K vitaminlari, ko‘plab B vitaminlari, beta-karotin, kalsiy, magniy, natriy, kaliy, fosfor, temir, rux mavjud. Qolaversa, ismaloq oqsilga ham boy mahsulot hisoblanadi.
Sabzi
Sabzi tarkibida skeletning shakllanishi va suyak hujayralarining yangilanishida ishtirok etadigan tabiiy antioksidant bo‘lgan beta-karotin mavjud. Undan sintez qilingan A vitamini ko‘rish va immunitetni mustahkamlaydi. Shuningdek, sabzi saraton hujayralarining ko‘payishini qo‘zg‘atadigan ichki to‘qima va organlardan erkin radikallarni chiqarib tashlaydi va jigarni toksinlardan tozalaydi.
Zaytun yog‘i
Zaytun yog‘i tarkibida juda ko‘p oleyin kislotasi mavjud bo‘lib, u organizmni yoshartirishga yordam beradi va xolesterinni kamaytiradi. Uning tarkibida A va K vitaminlarini assimilyatsiya qilish jarayonida ishtirok etadigan ko‘p miqdorda E vitamini mavjud. Zaytun yog‘i organizm tomonidan oson so‘riladi, metabolizmni tezlashtiradi, qon tomirlarini mustahkamlaydi va ularni yanada elastik qiladi.
Olma
Olmaning foydali xususiyatlari ko‘p bo‘lib, u vitamin va mikroelementlarning haqiqiy xazinasi, immunitet tizimini yoshartirish va mustahkamlashga yordam beradi. Olma tarkibida kletchatka, karotin, foliy kislotasi, A, B1, B2, B3 vitaminlari mavjud. Ular apelsinga qaraganda ko‘proq C vitaminini o‘z ichiga oladi. Olma yurak va o‘pka faoliyatini yaxshilaydi, saraton hujayralarining o‘sishini sekinlashtiradi.
Izoh (0)