Ilon Mask Twitter’ni sotib olgach, Tesla’ning 4 mlrd dollarli aksiyalarini sotdi

Amerikalik biznesmen Ilon Mask Tesla avtomobil ishlab chiqaruvchi kompaniyasining qariyb 4 milliard dollarlik aktsiyalarini sotdi. Bu haqda Reuters agentligi AQSH Qimmatli qog'ozlar va birjalar komissiyasiga (SEC) tayanib xabar bermoqda.

OAV ma’lumotlariga ko‘ra, Maskga tegishli 3,9 milliard dollarlik 19 milliondan ortiq aksiyalarni sotish bo‘yicha tegishli hujjatlar 8-noyabr kuni SEC’ga topshirilgan.

27-oktabr kuni Ilon Mask Twitter ijtimoiy tarmog‘ini 44 milliard dollarga sotib olish bo‘yicha kelishuvni yopdi. 

Shartnomani moliyalashtirish uchun Mask Amerikaning turli banklaridan taxminan 12,9 milliard dollar qarz olgan. 

Financial Times nashrining yozishicha, uning kreditorlari mablag‘larning tez qaytarilishiga umid qilmayapti va jiddiy moliyaviy yo‘qotishlarni kutmoqda.

Mavzuga doir: 

• “Ular Amerikada so‘z erkinligini yo‘q qilishga urinmoqda”. Ilon Mask Twitter daromadi keskin kamayganini e’lon qildi
• Mask Twitter direktorlar kengashini ishdan bo‘shatib, uni o‘zi boshqarishini aytdi