Markaziy bankning FinLit loyihasi bank mobil ilovalarida qanday qilib omonat ochish mumkinligi haqida ma’lumot berdi.
Shaxsiy bank kartasi va bankning mobil ilovasi orqali uydan chiqmasdan, bir necha daqiqada onlayn omonat ochish mumkin.
Buni qanday qilish kerakligini haqida batafsil:
- Bank ilovasini Google Play yoki Apple Store’dan yuklab oling;
- Onlayn identifikatsiyadan o‘ting: bank kartasi / mobil telefon raqami / tasdiqlovchi hujjatlar orqali;
- Bank Ilovasiga istalgan bank kartasini ulang;
- “Omonatlar” bo‘limini oching (joylashuv ilova dizayniga qarab o‘zgarishi mumkin);
- Omonat turini tanlang, shartlarni diqqat bilan o‘qing va keyingi ko‘rsatmalarga rioya qiling;
- Omonat ochish uchun boshlangig‘ich miqdorni belgilang;
- Omonat muddatini tanlang;
- Mablag‘ yechib olinadigan bank kartasini tanlang;
- Elektron shartnoma va ichki qoidalarni qurilmada o‘qing va rozilik bering;
- Omonat ochildi.
Ko‘pgina mobil bank ilovalarida boshlang‘ich badal uchun kerakli miqdorni belgilash, omonatni nomlash, avtomatik to‘ldirish funksiyasini o‘rnatish mumkin.
Omonat foiz stavkalari omonat muddatiga qarab farq qilishi mumkin.
Avvalroq O‘zbekiston banklarida omonatlar, ular qanchalik kafolatlangani haqida xabar berilgandi.
Izoh (0)