Futbol bo‘yicha Chempionlar Ligasining 6-turidan o‘rin olgan o‘yinlar 2-noyabr, chorshanba kuni bo‘lib o‘tdi.
F guruhida “Real” “Seltik”ni qabul qildi. Uchrashuvning 6-daqiqasida Luka Modrich penaltidan unumli foydalanib, hisobni ochdi. 21-daqiqada Rodrigo ham penaltini aniq amalga oshirib, o‘z hisobiga gol yozdirib qo‘ydi. 51-daqiqada Marko Asensio, 61-daqiqada Vinisius Juniorlar hisobni yiriklashtirishga xizmat qiluvchi gollarni urdi. 71-daqiqada Federiko Valverde ham gol muallifiga aylandi. 84-daqiqada Jota hisobni qisqartirishga erishdi.
Guruhning ikkinchi o‘yinida “Leypsig” “Shaxtyor” ustidan 4:0 hisobida g‘alaba qozondi. Nemis klubi safida Kristofer Nkunku, Andre Silva, Dominik Soboslai va Dani Olmo gol muallifiga aylandi.
Shu tariqa “Madrid” klubi 13 ochko bilan guruhni 1-o‘rinda yakunladi. “Leypsig” 12 ochko bilan 2-o‘rinni egalladi. “Shaxtyor” esa Yevropa Ligasiga yo‘llanmani qo‘lga kiritdi.
YCHL
6-tur bahslari
2-noyabr, chorshanba
“Real” – “Seltik” 5:1
Gollar: 1:0 – 6 Modrich (penalti), 2:0 – 21 Rodrigo (penalti), 3:0 – 51 Asensio, 4:0 – 61 Vinisius Junior, 5:0 – 71 Valverde, 5:1 – 84 Jota.“Real Madrid”: Kurtua, Karvaxal (Vaskes, 64), Alaba (Nacho, 66), Militao (Valyexo, 73), Mendi, Modrich (Sebalyos, 66), Kroos, Valverde, Asensio, Vinisius Junior (Benzema, 64), Rodrigo.
“Seltik”: Hart, Yuranovich, Starfelt, Yens, Teylor, Muy (Ternbull, 63), O‘Rayli, Hatate (Abilgor, 82), Abada (Jota, 63), Furuxasi (Yakumakis, 62), Maeda (Hakshabanovich, 63).
Ogohlantirishlar: O‘Rayli (20), Furuxasi (47).
Izoh (0)