Germaniya xalqaro agentligining (GIZ) “Markaziy Osiyoda savdo tartibotlarini soddalashtirish” mintaqaviy loyihasi doirasida Davlat bojxona qo‘mitasi “Yallama” chegara bojxona postiga qiymati salkam 100 ming dollarga teng nazorat texnik vositalarini topshirdi.
Qo‘mita ma’lumotiga ko‘ra, shu munosabat bilan Davlat bojxona qo‘mitasida tashkil qilingan topshirish-qabul qilish tadbirida GIZ direktori Ioaxim Fris hamda loyiha rahbari Felitsitas Zik ishtirok etdi.
Qo‘mita raisi o‘rinbosari Otabek Choriyev so‘nggi yillarda GIZ bilan hamkorlik faol bosqichga ko‘tarilganini ta’kidladi.
Taqdim etilgan yangi texnik vositalar bojxona nazorati va rasmiylashtiruvi jarayonlarini soddalashtirish, zamonaviy ratsiyalar orqali o‘rnatiladigan tezkor aloqa kanali esa tashqi iqtisodiy faoliyat ishtirokchilariga ko‘rsatiladigan xizmatlar tezkorligini oshirish imkoniyatini beradi.
Mavzuga doir: Germaniya bozoriga keng turdagi sifatli va raqobatbardosh O‘zbekiston mahsulotlari yetkazib berilishi kutilmoqda
Izoh (0)