“Real” yarim himoyachisi Toni Kroos La Liganing 12-turidan o‘rin olgan “Jirona”ga qarshi bahsda (1:1) qizil kartochka olib, maydonni tark etdi.
Kroos o‘yinning 55-daqiqasida sariq kartochka oldi va ikkinchi bo‘limga qo‘shib berilgan 1-daqiqada hakam ikkinchi sariq kartochkani ko‘rsatdi.
Nemis futbolchisi top-5 ligalardagi (La Liga, Bundesliga) 426 ta o‘yini davomida biror marta qizil kartochka olmagan edi. Kroos faoliyatida ilk bor qizil kartochka olib, maydonni tark etdi.
Eslatib o‘tamiz, uchrashuvni Mario Melero Lopes boshchiligidagi hakamlar guruhi boshqarib bordi.
Madridliklar 32 ochko bilan musobaqa peshqadami bo‘lib turibdi. Karlo Anchelotti shogirdlari eng yaqin ta’qibchisi “Barselona” esa 1 ochko ortda qolmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)