Amaliy tashrif bilan Qozog‘istonga jo‘nab ketgan Shavkat Mirziyoyev Ostonaga yetib bordi.
Prezident matbuot xizmatining xabar qilishicha aeroportda davlat rahbarini Qozog‘iston bosh vaziri Alixan Smailov va boshqa rasmiy shaxslar kutib oldi.
27-oktabr kuni Ostonada birinchi “Markaziy Osiyo—Yevropa Ittifoqi” sammiti bo‘lib o‘tadi. Uning kun tartibidan mintaqa mamlakatlari va Yevroittifoq o‘rtasidagi siyosiy, savdo-iqtisodiy va madaniy-gumanitar hamkorlikni kengaytirish masalalari o‘rin olgan.
Shu kun kechasi Yevropa kengashi prezidenti Sharl Mishel O‘zbekistonga kelishi kutilmoqda.
28-oktabr kuni O‘zbekiston va YI o‘rtasida oliy darajadagi muzokaralar bo‘lib o‘tadi. Mamlakatning Yevropa Ittifoqi bilan ikki va ko‘p tomonlama hamkorligiga oid masalalarning keng doirasi ko‘rib chiqiladi.
Izoh (0)