Futbol bo‘yicha Yevropa Chempionlar Ligasining 4-turidan o‘rin olgan qator o‘yinlar 11-oktabr, seshanba kuni bo‘lib o‘tdi.
E guruhida “Chelsi” “Milan” mehmoni bo‘ldi va 2:0 hisobida g‘alaba qozondi. “Aristokratlar” safida Jorjinyo va Pyer-Emerik Obameyang gol muallifiga aylandi. Qayd etib o‘tish joiz, 18-daqiqada Fikayo Tomori qizil kartochka olib, maydonni tark etdi. Qolgan daqiqalarda milanliklar bir kishi kam bo‘lib harakat qildi.
Guruhning ikkinchi o‘yinida “Dinamo” Zagreb “Zalsburg” bilan bahs olib bordi. Uchrashuvda 1:1 hisobida durang natija qayd etildi.
F guruhida “Real” “Shaxtyor” maydoniga safar qildi. Uchrashuvning 46-daqiqasida Oleksandr Zubkov hisobni ochdi. O‘yin so‘ngida esa Antonio Ryudiger hisobni tenglashtirdi. Jamoalar o‘rtasidagi bahsda durang natija qayd etildi.
“Leypsig” esa “Selta”ga qarshi o‘ynadi va 2:0 hisobida zafar quchdi.
YChL
4-tur bahslari
11-oktabr, seshanba
“Milan” – “Chelsi” 0:2
Gollar: 0:1 – 21 Jorjinyo (penalti), 0:2 – 34 Obameyang.“Milan”: Teterushanu, Kalulu, Tomori, Gabbiya, Ernandes (Ballo-Ture, 80), Krunich, Bennaser (Pobega, 62), Braim Dias (Dest, 37), Tonali, Jiru (Rebich, 62), Rafael Leau (Origi, 80).
“Chelsi”: Arrisabalaga, Jeyms (Aspilikueta, 62), Tiago Silva, Kulibali, Chaloba, Chiluell, Kukurelya, Kovachich, Jorjinyo, Maunt (Gallaher, 46), Obameyang (Haverts, 79), Sterling (Loftus-Chik, 62).
Ogohlantirishlar: Maunt (20), Jiru (20), Sterling (29), Gabbiya (32), Krunich (35), Pobega (66), Gallaher (86), Tonali (89), Ballo-Ture (90).
Chetlatish: Tomori (18).
“Shaxtyor” – “Real” 1:1
Gollar: 1:0 – 46 Zubkov, 1:1 – 90+5 Ryudiger.“Shaxtyor”: Trubin, Konoplya, Matvienko, Bondar, Mixaylichenko, Mudrik (Petryak, 85), Stepanenko, Sudakov (Jurasek, 81), Bondarenko, Zubkov (Teylor, 82), Traore (Sikan, 77).
“Real Madrid”: Lunin, Nacho, Ryudiger, Mendi (Alaba, 68), Kroos, Valverde (Kamavinga, 68), Tchuameni (Modrich, 57), Vaskes, Benzema, Azar (Vinisius Junior, 57), Rodrigo (Asensio, 68).
Ogohlantirishlar: Konoplya (16), Militao (85), Bondarenko (88), Kroos (90).
Izoh (0)