“Real” Chempionlar Ligasida bir yo‘la ikkita rekord qayd etdi

“Real” Chempionlar Ligasining 4-turida “Shaxtyor” bilan durang o‘ynadi (1:1) va pley-off masalasini muddatidan avval hal qildi.

Madridliklar YCHLda 31 marta guruhdan chiqdi. Bu mutlaq rekord hisoblanadi. Shuningdek, “Real” Chempionlar Ligasidagi ishtiroki davomida har doim pley-offga yo‘l olgan yagona jamoa bo‘lib turibdi. Madrid jamoasi biror marta guruhda qolib ketmagan.

“Real” Chempionlar Ligasi tarixida bir marta — 1996/97-yilgi mavsumda musobaqada ishtirok etmagan. O‘shanda ispan klubi Yevrokubok yo‘llanmasiga ega bo‘lolmagandi.

“Qirollik klubi” 12-marta guruh bosqichi tugashiga ikki tur qolganda plef-off masalasini hal qildi va bu borada ham rekordchi hisoblanadi.

“Barselona” va “Bavariya” bu ishni 10 marta amalga oshirgan, “Yuventus” esa yetti bor.